ETETA | Home juu

Mhe. Loata Erasto Ole Sanare

Mkuu wa Mkoa Morogoro


Eng. Emmanuel Masasi Kalobelo

Katibu Tawala Mkoa Morogoro

Eng. Joyce Meshack Baravuga

Afisa Elimu Mkoa Morogoro

  • Mkuu wa Mkoa

    Mkuu wa Mkoa Morogoro, Mhe. Loata Erasto Ole Sanare

  • Katibu tawala mkoa

    Katibu Tawala Mkoa Morogoro, Mhandisi. Emmanuel Masasi Kalobelo

  • Picha ya pamoja...Afisa Elimu MKoa, Eng. Joyce Baravuga(katikati) na wadau wengine wa ETETA

  • Prof Kahimba kutoka Sua na Afisa Elimu Mkoa Eng. Baravuga wakiwa katika kikao cha kufanikisha elimu kwa TEHAMA katika mkoa wa Morogoro

  • Shoes slide img

Maana ya ETETA

Maana ya ETETA ni Elimu kwa TEHAMA Tanzania (ETETA). ETETA ni mpango endelevu wa kutumia Teknolojia ya Habari na Mawasiliano (TEHAMA) ulioanza mwaka 2018 katika Mkoa wa Morogoro kwa lengo la kutumia TEHAMA katika idara ya Elimu na kuufanya Mkoa wa Morogoro ifikapo mwaka 2022 kuwa Mkoa wa kidigitali.

Mambo yanayofanywa na ETETA . Kwa kutumia Elimu kwa TEHAMA tunaweza kufanya mambo yafuatayo:-

UFUNDISHAJI NA UJIFUNZAJI

Kuboresha ufundishaji na ujifunzaji kwa kutumia TEHAMA.

UTUNZAJI WA TAKWIMU

Kuimarisha utunzaji wa takwimu kwa kutumia TEHAMA

ZANA ZA KUFUNDISHIA

Kuandaa maudhui ya masomo na zana za kufundishia kwa kutumia TEHAMA e-Content.

UPATIKANAJI WA HABARI

Kuharakisha Upatikanaji wa Habari na taarifa kwa kutumia TEHAMA.

KUTOA MAFUNZO YA TEHAMA

Kutoa mafunzo ya somo la TEHAMA na Matumizi ya Vifaa vya TEHAMA kwa Walimu na Wanafunzi wa shule za msingi na sekondari

Habari Mpya

Imewekwa 2021-01-17

‘ZERO’ ZAPUNGUA MATOKEO KIDATO CHA NNE MKOANI MOROGORO

Jitihada mbalimbali za kitaaluma zinazoendelea kufanywa na wadau wa elimu ikiwemo viongozi, walimu, wazazi na wanafunzi zimeonesha kuzaa matunda bora mkoani Morogoro. Haya yamedhihirika katika matokeo ya kidato cha nne 2020 yaliyotangazwa hivi karibuni na Katibu Mkuu wa baraza la Mitihani la Taifa Dk. Charles Msonde.  

Katika kujali maendeleo ya watoto wetu, Idara ya Elimu Mkoa wa Morogoro imekuwa ikifanya tathmini ya ulinganifu wa ufaulu katika ngazi ya mkoa kwa kila mwaka matokeo yanapotangazwa.

Tathmini ya hivi karibuni ya matokeo ya kidato cha nne 2020 inaonesha kuongezeka kwa ufaulu katika daraja la kwanza hadi la nne huku idadi ya waliopata daraja sifuri ‘0’ ikipungua kwa kiasi kikubwa, ikilinganishwa na ufaulu wa mwaka 2019. Takwimu halisi kwa miaka hiyo miwili imeaninishwa katika jedwali hapo juu.

Tahimini ya jumla ni kuwa, ufaulu umeongezeka kutoka asilimia 78.82 kwa mwaka 2019 hadi kufikia asilimia 85.84 kwa mwaka 2020. Hii inamaanisha kuwa Mkoa wa Morogoro umefanikiwa kuongeza ufaulu kwa asilimia 7.02% ndani ya miezi 12 ya mwaka uliopita.

Katika upande mwingine, Idadi ya wanafunzi waliopata daraja sifuri ‘0’ imepungua kutoka 3,972 mwaka 2019 hadi kufikia 2,871 kwa mwaka 2020. Hii ni sawa na kusema kwamba, jumla ya wanafunzi 1,101 wameokolewa kutoka daraja sifuri kwenda katika daraja la kwanza hadi la nne ndani ya miezi 12 ya mwaka uliopita.

Pongezi nyingi zimwendee Mwalimu namba moja na Afisa Elimu Mkoa wa morogoro Eg. Joyce Baravuga kwa uongozi wake uliofanikisha yote haya katika mkoa wetu.  Pongezi zaidi ziwaendee viongozi wote wanaoshirikiana kwa pamoja katika kusimamia maendeleo ya elimu na watoto katika mkoa wetu akiwemo Mkuu wa Mkoa wa Morogoro Mhe. Loata Ole Sanare, na Katibu Tawala Mkoa wa Morogoro Eng. Emmanuel Kalobelo.

Tunawapongeza Maafisa elimu Wilaya, Waratibu elimu na Wakuu wa shule kwa usimamizi wao mzuri wa shughuli za ufundishaji na ujifunzaji mashuleni.  Pongezi za pekee ziwaendee walimu wote mnaotumia muda wenu mwingi kuwaandaa watoto kwaajili ya mitihani ya taifa inayotupatia tathmimini za maendeleo kama hizi. 

Pamoja na ufaulu huo, changamoto kuu inabaki kuhakikisha tunaondoa daraja sifuri katika matokeo ya mkoa wetu wa Morogoro. Haipendezi na haifurahishi kuona mwanafunzi aliyeandaliwa kwa miaka minne shuleni kupata daraja sifuri ‘0’ ambalo ni fedheha kwa mwanafunzi husika, mwalimu hadi mzazi wake.

Katika suala la elimu, kila mmoja wetu anahusika. Kama wewe sio mwanafunzi, inawezekana unasomesha mtoto. Serikali kwa upande wake imeamua kutoa elimu bure. Nasi tuendelee kushirikiana pamoja ili kuunga mkono juhudi hizo za serikali katika kuhakikisha kuwa kila mtoto anayezaliwa ananufaika na elimu yetu  kwa kumwepusha kupata daraja sifuri maarufu kama ‘Division zero’.

Imeandaliwa na;

Mwl. Wilson Anatory

Kilakala Sekondari

Soma Zaidi

Mbinu za Kukuza Ufaulu katika Mkoa wa Morogoro

Mbinu za Kukuza Ufaulu

Katika Kukuza kiwango cha ufaulu katika Mkoa wa Morogoro, Idara ya Elimu Mkoa wa Morogoro imeunda mbinu ijulikanayo kama C4 K4 ili kukuza kiwango cha ufaulu katika Mkoa wa Morogoro.

Soma Zaidi

Wahisani

  • Wahisani
  • Wahisani
  • Wahisani
  • Wahisani
  • Wahisani